De onderstaande tekst werd gepubliceerd tijdens het 55 jarig bestaansfeest van Vastelaoves Vereniging De Kwakkert in 2010.
De tekst geeft een mooi inzicht in de historie en de betekenis van de Prinselikke Hofkapel, in de volksmond ook wel Borekapel genoemd.

Äöver vreuger ......, de Prinselikke Hofkapel.

Meziek huuertj bie de vastelaovendj wie pannekook bie erte-soep.
Zoeë-as de Prinselikke Hofkapel huuertj bie de Kwakkert en Klein Paries.
Die Prinselikke Hofkapel bringtj den ouch al 55 jaor ode aan de prins door 'm muzikaal te begeleie bie ziene róndgang.

Väör "Äöver vreuger ......" kalle we mèt Gerrit van Truu vanne Zadelieër. (Gerrit Houben).

In 1947 gebaore as Borekapel óm amusementsmuziek te bringe bie evenemente van Hermenie L'Union.
Muziekante, geklèdj in eine borekeel en eine roeëje plak ómme nak.
Eindj jaore '60 waerdje dae borekeel vervange door ein waemeske waat aod börgemeister Geurts deej zègke det 't krek en Prinselikke Hofkapel waas. Mèt dank ....

En al lieke 't bienao beroeps-muzikante, eder jaor mót d'r weer gerepeteerdj waere.
Op dit moment ónger lei-ing van kapelmeister Peter Kehrens mèt René Barion, Paul Kessels, Jac Voorter (leefst 33 jaor!) as väörgengers (bliekbaar get waas se neet väör korte tied duis).
Repetities die altied op ein bäögelbaan waere gehaoje, ieërst bie Simons, daonao bie Lowieke van de Akker en noe bie de Waever.

De Hofkapel haet neet allein muzikante mer ouch eine vaandeldrager (Berry), eine bujelmeister (John, dae geit äöver de cente en de drank) en zelfs eine besjermhieër (Joos).
Én de Hofkapel is mèt 5 Aod Prinse (René Barion, Gerrit, Maarten, Jan en Henk) óngerandj hofleveranseer. 'n Hofkapel woeë sommige mèt getrouwdj lieke te zeen zoeë-as Jan Caris en Harrie Daems die al mieër as 40 jaor mèttrekke.